Կորոնավիրուսով պայմանավորված համաճարակի հետևանքով աշխարհը մեծ կորուստներ է կրել՝ ինչպես մարդկանց կյանքերի, այնպես էլ նյութական առումով: Մի շարք երկրներում շարունակվում է աճել գործազրկությունը, որոշ երկրներ պահպանում են իրենց կայուն ցուցանիշը, որոշ երկրներում էլ այն անգամ նվազում է : Կորոնավիրուսի համաճարակի ընթացքում Հայաստանի գործազրկության վերջնական տվյալները դեռ չկան, Ազգային վիճակագրական կոմիտեն դրանք կհրապարակի հունիսի 30-ին: Սակայն ըստ Աշխատանքի միջազգային կազմակերպության կատարած նախահաշվարկների՝ Հայաստանում կորոնավիրուսի շրջանում և դրանից հետո գործազրկությունը աճելու է, նախորդ՝ 17.7 -ից հասնելով 19 տոկոսի: Այս մասին մայիսի 4-ին Ազգային ժողովի առողջապահական հարցերի մշտական հանձնաժողովում հայտնել է աշխատանքի և սոցիալական հարցերի փոխնախարար Արման Ուդումյանը:
Հայաստանում առաջին վարակակիրը հայտնաբերվել է մարտի 1-ին, որից հետո վարկակիրների թիվը աստիճանաբար աճում էր: Իսկ արդեն ապրիլ ամսից արագ տեմպերով աճում էր և՛ վարակակիրների և՛ մահերի թիվը: Եվ հենց ապրիլի դրությամբ էլ Աշխատանքի Միջազգային Կազմակերպությունը կատարել է իր նախահաշվարկները:
ԱՊՀ երկրների նախահաշվարկները նույնպես տեղ են գտել վիճակագրական կայքերում:
Եվրոպայում կորոնավիրուսի բռնկումը ավելի վաղ է սկսվել: «Եվրոստատը» հրապարակել է Եվրոպական երկրների գործազրկության փետրվար և մարտ ամսվա տվյալները, որոնք արդեն վերջնական, ստույգ տվյալներ են: «Եվրոստատում» ոչ բոլոր երկրների տվյալներն են առկա: Իսկ հրապարակվածների մեջ գործազրկության ամենաբարձր ցուցանիշն ունի Իսպանիան՝ 14,5 տոկոս, ամենացածրը՝ Չեխիայի Հանրապետությունը` 2 տոկոս: Իտալիան և Ֆրանսիան երկրորդ տեղում են:
Աղբյուրներ՝
Ինֆոգրաֆիկա 1,2- Ceicdata. World Monatery fund
Ինֆոգրաֆիկա 3, 4 -Eurostat
Քնարիկ Կնյազյան
Comments
Post a Comment